Sa Bacolod City COMELEC, sa mga litrato nga naka post Lunes sang aga, makit-an nga matawhay ang sitwasyon sa talatapan.
Sa post sang Office of the Provincial Elections Supervisor sang Siquijor amo man ang sitwasyon.
Suno kay COMELEC Negros Island Regional Director, Lionel Marco Castillano, wala sang masyado nga pila.
Mahimo suno sa iya may klase karon, rason nga ang mga pamatan-on yara sa mga eskwelahan.
Sa mga nagpila naman kalabanan nga gin-process ang transfer of registration.
Tubtob pa man sa May 18, 2026 ang registration para sa Barangay kag SK Elections, kag kada Sabado bisan pa sa holidays bukas man ang COMELEC para sa registration suno kay Atty Castillano magluwas na lamang sa Christmas, New Year kag sa Holy Thursday kag Good Friday.
Padayon ang ila nga paghaylo sa wala pa maka pa rehistro kag sa mga yadtong may iban pa gid nga luyag hikuton sa COMELEC nga mag padulong na sa tagsa ka talatapan.
Sa mga pamatan-on sarang na man maka pa rehistro para sa Sangguniang Kabataan Elections ang yadtong mangin 15 years old sa Nov 2, 2026.
Magdala sang valid ID – ang government issued ID suno kay Castillano ang mga maga pa rehistro.
“Wala masyadong pila, kahit na yung dito sa Dumaguete. Ang karamihan sa pila, yung mga nag pa pa-transfer of registration. Yung kabataan may klase kasi ngayon sa NIR”, suno kay Castillano.