Sa Nobyembre 10 maga resume na ang voter registration.
Ginsiling ni Commission on Election Regional Director, Lionel Marco Castillano sila ang naga hulat na lamang sang memorandum gikan sa Manila office pero ini ang gin announce naman ni COMELEC Commissioner George Garcia.
Tubtob sa July 30, 2027 ang voter registration kag ini ang para na sa 2028 nga piniliay. Magluwas sa registration, sarang na makabaton ang COMELEC sang iban pa gid nga transaction kaangay sang reactivation, transfer, change of status, correction of entry kag iban pa.
Martes nga adlaw maga sugod bangud sa Nobyembre maga sugod na ang COMELEC sang ila nga four day work week. 8am to 5pm ang office hours. Suno kay Castillano naga hulat pa man sila sang abiso kun bala maga padayon sila sang voter registration sa Sabado nga adlaw nga sa masami gina talana nila sa mga offsite registration.
Tubtob sa karon padayon man nga naga hulat ang COMELEC sang desisyon sang Korte Suprema angut sa petition nga naga kwestion sang pag paisol sang Barangay kag SK ELections.
“Marami na rin kasing pumupunta sa mga office namin nag gustong mag pa transfer, mag pa correction of entry kasi kung minsan, halimbawa sa passport wala silang ID na kailangan, kailangan nila yung voter’s certification. Sa mga serbisyo katulad ng ayuda, yun din ang hinahanap,” suno kay Castillano.
[sibwp_form id=1]