Comelec, mga manunudlo naghinyo nga indi pagbuhinan sang buwis ang mabaton nga honorarium.
Humalin pa sadto naga ka delay ang ginabaton nga honorarium sang mga manunudlo kag iban pa nga katapo sang Electoral Board nga nagaserbi sa pinili-ay.
Indi magnubo sa siete mil pesos ang ila mabaton halin sa Comelec. Pero sarang ini mabuhinan bangud subject ini sa 20 percent tax sang Bureau of Internal Revenue.
Suno kay Atty. Revo Sorbito, acting election officer sang Comelec-Bacolod,naghinyo na ang Comelec upod sa mga manunudlo para kuntani mangin tax free ang mabaton nga honoraria sang mga poll workers.
Ginsiling ni sorbito nga mangin dugang nga ulubrahon para sa ila ang pagbuhin sang tax kag magaresulta man ini sa dugang nga delay sa pag release sang honoraria.
Sa final briefing sang Comelec-bacolod upod sa mga electoral board, mga medical personnel, technicians kag support staff ginpasalig man ni Sorbito nga tinguhaan nila nga mapadasig ang pagpalab-ot sang honoraria sa mga magaserbi sa election.