Masobra sa 35,000 sa karon ang tigayon naka apply para sa voter’s registration sa bilog nga probinsya lakip na ang Bacolod.
Sa ika anum nga semana sang voter’s registration, may 11,811 ang nag apply for voter’s registration. Suno kay Atty Ian Lee Ananoria ang Provincial Elections Supervisor sang Negros Occidental, humalin sang week 1 makita ang pagsaka sa application.
Humalin sang week 1 tubtob week 6, 35,801 ang tigayon naka apply. Subong ang last stretch ukon ang ulihi na nga semana para sa registration. Sa Enero 31 maga takop ini, las cinco sang hapon.
Abiso ni Ananoria nga samtang tawhay pa subong magpadulong na sa tagsa ka election offices ukon sa gintalana nga mga satellite registration sites para malikawan na ang pag ginutok. Madamo sa mga naga pa rehistro karon mga pamatan-on ukon para sa Sangguniang Kabataan.