Yara na ang guidelines sang Commission on Elections para sa Barangay kag SK Elections. Angut diri magasapol ang Comelec sa pamunuan sang PNP kag military sa masunod nga semana.
Suno kay Negros Occidental Elections Supervisor, Ian Lee Ananoria, nalakip sa ila nga talakayon sa pulis kag army amo ang peace and order situation sa probinsya kasubong man ang mga dapat tutukan labi na ang mga lugar nga sarang makabig nga areas of concern ukon hot spots sa gina paabot nga piniliay.
Sa pagdeklarar sang EWAS ukon election watchlist areas, daw kasubong man sa gihapon ang mga parameters ukon basehan. Suno kay Ananoria nagalakip ini sang history of election related violence, presensya sang mga armado nga grupo kag mainit ukon intense political rivalry.
Sa report sang Regional Office 6, naka saad nga may tatlo ka mga posible private armed groups sa Negros Occidental ang sa karon gina monitor.
Pila sa mga nabukid nga barangay sa sur sang Negros ang sa gihapon may mga presensya sang rebelde kag may pila na ka mga encounter ang nagluntad. Suno kay Ananoria ini ang isa man sa hatagan atensyon.