Nag-resume na ang voter’s registration sang Comelec-Bacolod, Martes nga adlaw.
Ang personnel sang talatapan sang provincial elections supervisor amo ang nagserbe sa voter’s registration.
Si acting provincial elections supervisor Atty Fatima Aspan sa karon ang naga pungko man bilang elections officer sang Bacolod. Suno kay Aspan, ang iya nga talatapan ang maga patigayon sang voter’s registration sang Comelec-Bacolod tubtob nga ini sila ang mahatagan sang clearance nga pwede na sila maka balik trabaho.
Ginpatigayon ang disinfection sang Lunes sa talatapan sang Comelec-Bacolod matapos nga may nagpositibo sa Covid-19 nga isa nila ka personnel.
Sa maabot nga Biernes naman iga paidalom sa swab test ang mga Comelec-Bacolod personnel.
Suno kay Aspan, ikatlo na ini nga tion nga na quarantine ang katapo sang Comelec-Bacolod. Yara na subong sa ulihi nga mga inadlaw sang voter’s registration. Target nila nga ma accommodate ang 400 ka mga registrants.