Ginsiling ni City Administrator Mark Steven Mayo nga may nagapanawagan nga magtukod sang permanente nga co-working space ang siudad.
Dugang pa niya mismo si Mayor Greg Gastaya ang nakabati man sa panawagan kag ginalantaw nila ang posibilidad sang pagtukod sang permanente nga space para diri sa BCGC.
Ang temporaryo nga co-working space, nga ginbuksan sang BCGC kagab-i, nagatuyo nga maghatag sang komportable nga lugar para sa mga online workers kag virtual assistants samtang wala pa nabalik ang suplay sang kuryente sa ila lugar.*