Sumugod Nobyembre 15 ipatuman ang closed season para sa sardines, herrings kag mackerel sa bahin sang Visayan Sea.
Ini base sa announcement nga gin pa gwa sang Bureau of Fisheries and Aquatic Resources nga maga lawig tubtob sa Pebrero 15 sa madason nga tuig.
Ini ang tion sang spawning ukon pagbuto sang mga tuloy, tamban, tabagak, balantiyong, guma-a, bulao, kag hasa-hasa sa sulod sang tatlo ka bulan.
Gani sa pag patuman sang closed season ginahatagan sang kahigayunan ang ini nga sahi sang mga isda para maka pangitlog, mag padamo kag mag dalagko.
Sakop sa pagpatuman sang sini nga layi ang pagdumili sang pagdakop, pagbaligya kag pagbakal sang sini nga sahi sang mga isda sa natungdan nga period.
Nadala sa pag patuman sini suno sa BFAR ang area sa norte nga bahin sang Iloilo nga naga lakip sang Barotac Nuevo, Anilao, Banate, Barotac Viejo, Ajuy, Concepcion, San Dionisio, Batad, Estancia, Balasan kag Carles; bahin sang Capiz nga naga lakip sang Roxas City, Pilar, Pontevedra, Pres. Roxas kag Panay; norte man nga bahin sang Negros Occidental – nga naga lakip sang EB Magalona, Victorias City, Manapla, Sagay City, Cadiz City kag Escalante City;
kag Bantayan Island sa probinsya sang Cebu.