On time sa schedule ang renovation sang Emergency Room sang Corazon Locsin Montelibano Memorial Regional Hospital.
Ini suno kay Department of Health Undersecretary, Dr Mary Ann Maestral nga nag siling man nga yara sa 9.79 percent sa karon ang accomplishment sa amo nga renovation as of October 19.
Mas temprano pa gani ini sang sa orginal nga plano.
Kun mahuman ang renovation sang ER sa mas temprano mas maayo na gid suno sa iya.
P92 million ang balor amo nga renovation.
Suno kay Maestral, apesar sang padayon nga renovation sa ER may 2,567 ka mga pasyente ang tigayon nga na serbisyuhan sa idalom sang temporary Emergency Department.
Kun mangin tayuyon gina paabot nga antes mag takop ang tuig makapatigayon sang bidding para sa mother and child nga building.
Sa ini nga pamaagi ma amat-amat na kaayo ang dapat nga kalay-uhon nga maga resulta naman suno sa iya sa pag baton sang dugang
nga mga pasyente sa amo nga ospital. P165 million ang pondo para sa mother and child building. Isa man sa gina hikot karon mismo sang CLMMRH suno sa iya ang pag convert sini sa pag gamit sang solar energy.
“Na complete na so far ang aton temporary nga Emergency Department, kun makita nyo da sa tubang, may ara da. And then ang waiting area sang mga bantay para mag kumportable man sila kapin pa subong nga sige bundak ang ulan. Kinahanglan may matarong man nga pasilungan ang mga bantay. It’s earlier than planned”, suno kay Maestral.