BTAO natalana magapatuman sang clearing operation sa Aguinaldo kag Gatuslao Street karon nga ginapatuman ang partial road closure sa Lacson Street.
Ginsuguran na ang pagpatuman sang partial road closure halin sa 5th-Lacson Streets asta 13th-Lacson Streets dungan sang pagtukod sang mga tents kag booths nga gamiton sa Bacolaodiat Festival sa Enero 31 asta Pebrero 2.
Ginsiling ni BTAO Deputy Jose Antonio Robello, pwede pa maagyan sang mga nagalinabay nga salakyan ang amo nga
portion sang Lacson Street.
Pero sa pagsugod sang tuigan nga festival, ipatuman
ang full road closure halin las kwatro sang hapon asta kaagahon.
Ginpatuman naman sang BTAO ang one-way scheme sa dalan Gatuslao kag Aguinaldo nga mangin alternative route sa tion sang festival.
Ang BTAO ang natalana nga magapatuman sang clearing operation agud hilway nga agyan ang Aguinaldo Street nga mangin rota sang mga salakyan nga naga-byahe pa-norte kag ang Gatuslao street nga
gintalana para sa mga southbound vehicles.