Halin sa mga goma, plastic bottles, plastic wrappers kag mga tsinelas ang nagkalakuha sang mga empleyado sang siudad kag DPWH sa nagapdayon nga clearing operation sa mga drainage sa Barangay Banago sa Bacolod.
Pagbukas pa lang sang mga drainage, puro basura na ang naga ginutok.
Tuyo sang nagapadayon nga clearing operation nga matinluan ang alagyan sang tubig sa Banago kag kaiping sini nga mga barangay para makabulig pahagan-hagan sa baha sa siudad.
Sang nagliligad nga semana inadlaw antes nagtahaw ang baha sa mga dalanon sa Banago.
Apela sang alkalde sa publiko, likawan ang pagpilak sang basura bisan diin lang kag dapat magbinuligay ang tanan para matinluan ang palibot.
Ang pagtinlo sang waterways kag pagkuha sang mga basura ang short term solutions sang siudad sa problema sa baha.
Dalagko nga flood control projects ang kinahanglan para matapna ang ini nga problema kag ini ang posible sa bulig sang gobyerno national.
