May isa ka grupo nga nga kwestyun sa legalidad sang agreement sa tunga sang siudad sang Bacolod kag SM Prime Holdings sa pag renovate sang Manokan Country sa Bacolod.
Suno sa kay Atty. Romeo Carlos Ting, Jr., ang City Legal Officer sang Bacolod, legal ang 40 ka tuig nga lease sang SM sa Manokan nga kabahin pa sang public market kun ibase sa ordinansa kag indi heritage site nga gina siling sang amo nga grupo. Dugang pa ni Ting, sa idalom sang civil code, 99 ka tuig ang gina pasugtan sang layi nga pag lease sa propedad sang siudad. Paathag pa gid ni Ting, ang chicken inasal ang cultural property sang Bacolod kag indi ang Manokan Country.
Isa ka grupo ang nagpadala sang sulat sa SM nga naga kwestyon sang ila sini nga transasyon sa siudad. Naga sugod na ang SM sa ila sini nga pagrenovate sa Manokan Country.