Nasapwan na lamang ang bangkay sang 37 anyos nga si Jury Orario sa tunga sang dalan sa St. Francis Street, Greensville 2 Subdivision sa Bacolod City kaina sang kaagahon.
May igo sang bala sa ulo ang biktima. Suno sa kay Police Captain Francis Depasucat ang hepe sang Bacolod City Police Station 4, may ara na sila sang indi magnubo sa tatlo ka mga persons of interest kag ini ang mga kaupdanan man lang mismo sang biktima.
Iligal nga droga ang isa sa mga motibo nga ginalantaw sang pagpatay sa iya.
Sa impormasyon sang PNP, imbulbado ang biktima sa pagbaligya sang iligal nga droga kag ila man sa karon nga ginalantaw kun bala yara sa drugs watchlist sa mga police station sa siudad ang biktima.
Padayon ang imbestigasyon sang kapulisan kag paglagas sa mga nakapalagyo nga suspek.