CHO nagalibot sa flood prone areas kag evacuation center para maghatag sang ihibalo parte sa leptospirosis

Suno sa Bacolod City Health Office, ang mga residente nga naka ubog sa tubig baha amo ang gina-prioritize sa paghatag sang prophylaxis nga doxycycline ukon azithromycin.

Importante nga sundon sang mga nagbaton sang bulong ang husto nga dosage agud malikawan ang infection sang Leptospirosis nga isa ka seryoso kag makamamatay nga balatian nga makuha masami sa pag ubog sa baha nga kontaminado sang higko sang sapat ilabi na sang ilaga.

Panawagan sang CHO sa publiko nga likawan ang pag ubog sa baha, kun indi gid malikawan mag tumar gilayon sang bulong, kag mag pa check up sa duktor kun makabatyag na sang sintomas parehos sang hilanat, palanakit sang kalawasan kag palamula sang mata.*

---

SIGN UP TO RECEIVE OUR FREE DAILY NEWSLETTER.

Full Name*

Email Address*