Monitoring team iga-reactivate sang Bacolod City Health Office kabahin sa pagpanghanda kontra sa mpox.
Ginkumpirma na sang Department of Health ang duha ka mga kaso sang mpox ukon monkeypox sadto sa Metro Manila.
Tungod sini ginpahayag ni City Health Officer Dr. Carmela Gensoli nga ila iga-reactivate ang natukod nga MPox Team nga amo sadto ang naga-monitor kag nagabalay sang tikang kontra sa makalalaton nga balatian.
Kasubong sang sulalob ang mpox nga may pagpalanakit sang ulo kag lawas.
Pero suno kay Gensoli sarang ini mapaiway paagi sa pagpatuman sang social distancing, regular nga hand washing kag pag gamit sang facemask.
Samtang, nanawagan man sang bulig ang pamunuan sang CHO sa mga kabarangayan agud mapabaskog ang tikang kontra dengue nalakip diri ang papatuman sang 4-o clock habit kag 4s.
As of August 17, naglab-ot sa 794 ang total dengue cases, tatlo diri ang ginakabig probable death.