Isa ka kumpanya nga naka base sa China nga naga pang himo sang electric vehicle ang magapatukod sang electric vehicle plant sa bacolod city.
Ini ang dala ni Bacolod City Mayor Albee Benitez nga balita sa iya nga pagbisita sa China kaupod si Presidente Ferdinand Marcos, Jr. Suno sa alkalde personal niya nga na istorya ang Chief Executive Officer sang Jiangsu Fengchuen New Energy Power Technology Corporation kag ini ang nagpabalo sa iya nga sa Bacolod napilian sang kumpanya magpatukod sang planta sang eletric vehicle.
Bagay nga gina pasalamatan naman sang alkalde. May mga tiglawas na ang amo nga kumpanya nga naga padulong sa Bacolod. Chinese kag Korean ang nag collaborate para sa amo nga kumpanya. Ang ila nga gina himo nga electric vehicle ang ginahimo nga public utility vehicle. Ang China Trail ang intresado man nga magtukod sang taytay kag iban pa nga infrastructure projects suno sa alkalde.