Ceneco magapatuman sang technical survey matapos sang malapit lima ka oras nga brownout tuga sang nautod nga linya sang lightning arrester sa Bacolod-Alijis 69KV line.
Gulpi lang nagligom dulom sa pila ka mga dalanon sang magluntad ang lapnagon nga brownout sa mga barangay sa Bacolod kagab-i.
Humalin las 9:30 sang gab-i asta las 2 sang kaagahon madamo sa mga kunsomedor ang nag antos sa kapaang kag brownout.
Paathag ni Ceneco acting general manager Atty. Arnel Lapore nautod ang linya sang lightning arrester nga naga angut sa Bacolod-Alijis 69kv line amo nga inoras nga ginkaayo sang mga lineman ang linya resulta sang pagbrownout.
Apektado sang browout ang Burgos kag Alijis Feeders rason nga wala sa kuryente ang kadam-an sa mga barangay sa siudad.
Tungod sang natabo magapatuman sang technical survey ang Ceneco sa ila mga power lines pati na sa mga substations.
Ginpasalig ni Lapore nga may nagakaigo nga supply sang kuryente karon nga tig-ilinit bisan pa sa naandan nagasaka ang demand sang mga kunsomedor.