Central Negros Electric Cooperative ginatun-an ang pagtalana sang generator set, kabahin sa pagpasiguro nga indi madulaan sang power supply ang mga polling centers sa Barangay kag SK Elections.
Magatalana sang maintenance crew ang CENECO sa mga polling centers agud mapasiguro nga mangin tayuyon ang supply sang kuryente sa adlaw sang Barangay kag Sangguniang Kabataan Elections sa Lunes.
Ginapasiguro man ni CENECO Acting General Manager Atty. Arnel Lapore nga wala sang scheduled brownout sa adlaw sang pinili-ay.
Ginatun-an man sang CENECO ang pagtalana sang generator equipment kun kinahanglan ilabi na sa mga polling areas nga madamo sang bumuluto agud mapasiguro nga indi matublag ang botohay kag isipay sang boto.
Bukas ang CENECO offices asta Oktubre 31. Sirado ini sa Nobyembre 1 kag 2.