Wala anay ginbayaran sang Bacolod City Government Employees Union (BCGEU) ang supplier sang na report nga napan-os nga pagkaon sa Employees’ Day sang tinalikdan nga semana.
Base sa statement nga gin pagwa sang BCGEU President nga si Erry Lagtapon, indi anay sila magbayad tubtob makumpleto ang imbestigasyon kag masiguro ang kabug-usan nga report halin sa mga department heads.
Matapos ang insidente, nagpatawag sang emergency meeting ang BCGEU kaupod ang mga supplier. Posible nga ang ambient temperature ukon ang kainiton sang lugar nga ginkargahan sang pagkaon samtang ginabyahe ini amo ang rason sang pagkapan-os.
Yara sa ₱3.2 million ang kabug-usan nga budget sang Employees Day, kag yara naman sa kapin ₱1.3 million ang gin tigana para sa pagkaon sang mga empleyado. Ang amo nga kantidad gin gasto para sa duha ka mga caterers nga ginpili sang BCGEU.*