Patay ang 29 anyos nga casual employee sang siyudad nga si Angelie Pasman matapos mabungguanay ang iya motor kag ang isa ka Toyota Innova sang kagab-i sa intersection sang dalan Lacson kag San Sebastian.
Suno kay Major Ramel Sarona, hepe sang Police Station 1, nagadalagan sa dalan Lacson ang Innova samtang sa dalan San Sebastian naman ang motor sang biktima sang sila ang mag bungguanay sa tunga sang intersection.
Dead on the spot si Pasman.
Suno kay Sarona, ila pa usisaon kun may CCTV sa area agud makita kun ano gid ang natabo kag kun sin-o ang may sala.
Temporaryo man nga gin detain ang driver sang Innova.