Ginapangita sang Cauayan PNP ang duha ka mga suspek sa shooting incident sa Sitio Camayatan, Purok 7, Barangay Poblacion sa banwa sang Cauayan, Hwebes sang gab-i.
Pilason ang 46-anyos nga biktima matapos nakaangkon sang igo sang bala sa pa-a. Gindala siya sa ospital kag yara na karon sa estable nga kondisyon.
Kinagamo sa duta ang isa sa mga ginalantaw nga anggulo sang kapulisan.
Suno kay Police Lt. Col. Lowell Garinganao, hepe sang Cauayan PNP, isa sa mga suspek ang anay miyembro sang RPA-ABB, nga amo ang gin-alegar naga sutsot sa mga tawo nga istaran ang duta nga gintugyan sa biktima.
Naga-maneho sang motorsiklo ang biktima papauli sa ila balay sang siya ang gintiro sang mga suspek sang lima ka beses.
Suno sa PNP isa ka caliber 38 revolver kag sulpak ang gingamit sang mga suspek sa pagpaniro.
Kaso nga frustrated murder ang ginahanda nga ipasaka sang biktima batok sa duha ka mga suspek.