Presyo sang baka kag carabeef ang nagsaka. May gamay man nga saka sa presyo sang manok.
Sa August 8 nga report sang Office of the Provincial Veterinarian, duha ka pesos ang gin mahal sa average nga presyo sang kilo sang baka.
Sa average – P 315.40 ang presyo sang kada kilo. P 1.38 naman ang ginsaka sa carabeef nga karon 297.87 ang average price per kilo. Kag 54 centavos naman ang ginsaka sa kilo sang manok nga broiler nga yara karon sa 211.31 ang average price per kilo.
Nagbarato naman ang baboy nga yara sa 266.54 ang average price per kilo. Suno sa Provincial Veterinary Office sa Escalante kag Sagay ang may pinaka mahal nga bili sang carabeef – 340 pesos ang kilo.
Sa San Carlos City kag Calatrava naman ang may pinaka mahal nga bili sang baka – 375 pesos ang kilo.
Sa Don Salvador Benedicto naman ang may pinaka barato nga bili sang carabeef kag baka – 195 pesos ang kilo.
Wala naman sang problema sa supply sang manok karon suno kay Dr Placeda Lemana ang OIC sang Provincial Veterinary Office. Ang pagsaka sang presyo bangud sang pagmahal man sang feeds.
Ang size sang gina harvest sa karon apektado man gani suno kay Lemana kag ini ang ginatudlo man sa ginapakaon nga feeds. Minimal naman ang ginsaka sa presyo sang itlog.