Hinyuon sang Progressive Alliance of Capitol Employees ang pagkakas sa pamuno sang Human Resource Management Office sang probinsya.
As of press time natalana nga iga submit sang PACE ang ila nga gin kasugtan nga petition kontra kay Atty Anabelle Palic.
Suno kay Renelo Lastierre ang presidente sang PACE, pila sa luyag nila nga ipadangat sa gobernador amo ang suno sa ila pag deduct sa leave credits sang mga empleyado sa tion sang sila ang ginpaidalom sa quarantine nga taliw-as naman sa provision sang Civil Service Commission suno sa ila.
May mga retirees man nga naga reklamo suno kay lastierre sang pamaagi sa pag process sang ila nga retirement nga naga lakip sang benepisyo gikan sa GSIS.
Kuntani suno kay Lastierre ang pamuno sang HRMO magabulig pahapos sa mga kinahanglanon sang mga empleyado.
Nalakip sa petition ang lagda sang mga empleyado nga naga suporta sang panawagan. Dugang pa ni Lastierre apesar sang culture of fear kag retaliation madamo sang nag suporta sa panawagan.
Wala pa man nakabaton sang kopya sang amo nga petition si Atty. Palic.