May nubenta ka mga designated common poster areas nga gintalana ang Commission on Elections sa Bacolod.
Pero indi malipod nga bisan sa mga barangay hall kag gym may mga nakatapik nga campaign material sang mga kandidato.
Suno kay acting election office Atty. Revo Sorbito, iya na ginpanugyan sa mga barangay officials nga dapat kakason na ang tarp kag poster sang mga kandidato sa mga pasilidad sang gobyerno antes pa man magsugod ang local campaign period.
Mismo ang mga barangay captains ang gin-deputize sang Comelec para mag monitor sang in-person campaign kag iban pa nga election activities sa ila nasakpan.
Gani dapat lang suno kay sorbito nga magpabilin nga non partisan ang mga barangay officials.