Department of Health ang naga abiso sa mga camp managers nga ipasiguro ang ventilation sa mga evacuation centers karon nga naga saka ang heat index.
Sini lamang ang Regional Incident Management Team ang nag bisita sa La Castellana Evacuation Center.
Suno kay Adrian Hort Ramos ang head sang Provincial and City DOH Office sa Bacolod City kag Negros Occidental, ila nga gina pabuksan ang mga bentana, labi na ang yara sa mga classrooms para mas mangin mabugnaw.
Suno kay Dr Nikka Hao ang Regional Director sang DOH-NIR, sila man ang naga pabutang sang mga electric fan.
Sa La Castellana suno sa iya ang mga pamilya nga yara sa temporary tents ang ginsaylo na sa mas handong ukon mas damo nga kahoy nga area.
Suno kay Hao, may mga heat related cases sila nga nakit-an sa mga katigulangan kag ini ang na refer na sa mga ospital para sa nagakaigo nga work up.
Klaro niya wala sang severe cases sa karon.
Suno kay Hao naka alerto sila sa pag monitor sang possible health impact sang kainiton kaangay sang food and water borne diseases bisan pa dengue.
Suno naman kay Ramos may isa sila ka kaso sang dengue nga na record.
Wala naman ini nagdamo pa.
Padayon naman ang health teaching sa mga evacuees.
“Isa sa major activity namon subong in line sini sa heat index is we have coordinated as well with camp managers to observe or to advise IDPs especially sa classroom site nga mga evacuation camp they need to open their windows dapat may ventilation gid para indi tam-an ka paang sa sulod sang ila mga room. Additional part of the health teaching man sang aton DOH personnel is to increase fluid intake kay tam-an ka init and protection from the heat of the sun as much as possible sa ila lang nga areas nga may cover bala. Sa rooms nila. Indi mag painit kay may mga areas kita na kataas gid sang temperature”, suno kay Ramos.