Padayon ang imbestigasyon sang PNP sa karon angut sa pagpatay sang kagab-i sa isa ka call center agent sa atubang sang eskwelahan sa Barangay 31 sa Bacolod.
Ang biktima ang gin kilala nga si Paul Angelo Diesto, isa ka call center agent.
Suno kay Major Leo Estopa, hepe sang Police Station 6, padulong na kun tani sa iya gina ubrahan si Diesto sang siya ang mag park sa kilid sang dalan.
Posible may gin hulat or nag tambay sang makadali ang biktima sa sulod sang iya salakyan sang hinali nag abot ang gunman sakay sang sedan kag gintiro ini sang makapila ka beses.
Nakuha sa crime scene ang 4 ka basiyo sang calibre 45.
Ginahibalo pa karon sang PNP kun ano ang motibo sa pag patay kay diesto.
May posibilidad suno kay Estopa nga kilala man sang biktima ang suspek.