PHIVOLCS ang maid-id nga naga monitor sang sitwasyon sang bulkan Kanlaon. Sa karon suno sa PHIVOLCS naga pabilin ini sa Alert Level 2.
Ginsiling ni Mari-Andylene Quintia ang resident volcanologist nga nabase sa La Carlota Kanlaon Observatory, matapos ang duha ka minuto nga moderately explosive eruption sang bulkan Kanlaon 4:38 sang kahapon sang hapon wala na ini nasundan pa.
Subong ila nga gina bantayan ang gina kabig nila monitoring parameters sang bulkan kaangay sang kadamuon nga sulfur dioxide emission, ang seismicity sini ukon ang mabatyagan nga pag tay-og kasubong man ang ground deformation para man, suno kay Quintia mabal-an ang magmatic system sang bulkan.
Wala sa karon sang gulpi nga pag saka sa sining mga parameters gani status quo ukon naga pabilin ang bulkan Kanlaon sa Alert Level 2.
Kay tungod nga wala man sang pagbag-o sa alert level sang bulkan, gin hold man sang Office of the Civil Defense ang ila nga advisory para kuntani sa pag patuman sang pre-emptive evacuation.
Pero naga abiso si OCD Regional Director, Donator Sermeno, III, nga dapat mag mangin alerto ang publiko labi na ang mga lugar nga apektado ukon malapit sa bulkan Kanlaon.
“Siempre hindi naton gina discount nga pwede man naton masundan ang natabo kahapon. So far after the eruption nga natabo at 4:39 pm kahapon, wala na nasundan ang eruption. Sa subong amo na nga gina bantayan naton ang aton mga monitoring parameters para mahibaluan naton ang estado sang magmatic system sang bulkan sa dalom. So far ang mga monitoring parameters naton hindi siya amo na ka elevated parehos sang natabo during sa 2024 eruptions”, suno kay Quintia.*
[sibwp_form id=1]