Nag buga naman sang abo ang bulkan Kanlaon kaina sang aga.
Suno sa Philippine Institute of Volcanology and Seismology, 7:12 AM nag sugod ang ash emission. Naglawig ini sang 8 minutes.
Grayish plumes nga mga 75 meters gikan sa baba sang bulkan ang na-record.
Ini naman ang nag padulong sa west-southwest nga direksyon.
Suno kay Ptolemy Mañego ang Science Research assistant, isa ka weak ash emission ang nagluntad kag wala sang may na-monitor nga ash fall.
Sa bulletin sang PHIVOLCS, base sa 24 hour observation sini, isa ka volcanic quake ang na-record.
Padayon ang ground deformation. Naga pabilin naman sa Alert level 2 ang bulkan.
Wala naman sang may na report pa nga lahar flow, magluwas na lang sadtong tion sang bagyo Tino.*