Weak ash emission ang na-record sa bulkan Kanlaon kaina sang aga. Ash fall gin-report sa pila mga lugar.
Sa report sang Philippine Institute of Volcanology and Seismology, may mga weak ash emission gikan sa summit crater sang bulkan Kanlaon kaina sang aga.
Ang una na-record humalin 9:01am tubtob 9:29am ukon 28 minutos ang kalawigon.
Ang ika duha naman nga emission nagsugod 10:29am tubtob 11:07am ukon 38 minutos ang kalawigon.
Suno sa PHIVOLCS ang ini nga mga events ang nag generate sang grayish plumes nag nagsaka tubtob sa 300 meters sa ibabaw sang crater antes nag padulong sa northwest.
Suno kay Dr Merijene Ortizo ang pamuno sang Disaster Risk Reduction Management Office sang Bago, may mga gin-report nga ash fall sa Pataan sa Brgy Mailum kag Purok Manokan sa Brgy Ilijan sa Bago City.
Naga pabilin naman sa Alert level 2 ang bulkan Kanlaon.*