Ginsiling ni Bacolod Mayor Greg Gasataya nga magluwas sa monitoring nga gina patigayon sang siudad nga gina pangunahan sang City Treasurer’s Office kun sa diin ginapatigayon ang calibration sang mga gas stations, nag pangabay siya kay Col Eugene Rebadomia, BCPO Director, nga magbulig ang PNP sa pagbantay para malikawan ang pag pamentaha sa sitwasyon kag mapasiguro nga ang ginatugutan lamang nga kantidad nga isaka ang mapatuman.
Samtang ginsiling naman ni Engr Lynna Joy Cardinal ang Provincial Director sang Department of Trade and Industry nga regular na nga daan sila nga naga patigayon sang price monitoring.
Sa karon wala sang namutikan nga saka sa presyo sang mga basic and prime commodities pero indi man ma negar nga dala sang epekto sang saka sa presyo sang langis may gina lantaw nga pagsaka sa presyo sang sini nga mga balaklon.
Sa amo sini nga mga tion, ang natungdan ang naga pakig-angut sa head office sang DTI kag gina talakay ini.
Makusog man ang kompetisyon suno sa iya kag isa man ini sa rason nga indi basta-basta maka pasaka sang presyo ang mga retailers. Pero naga panawagan siya gihapon nga indi mag pamentaha sa sitwasyon.
“Wala man kita may na ano nga daw ga take advantage. Gina regulate man na sila sang competition. Bale ang mga ingod nila, indi man pwede nga mapataas sila tapos ang iban to ya less ang prices, indi man sila mabaklan. Mga amo na bala ang situation naton. Pero gina appeal ta gid na sa tanan not to take advantage”, suno kay Cardinal.*
[sibwp_form id=1]