Financial assistance gin-release na 20 ka mga barangay nga magapasakop sa Masskara Festival competition.
Tig P700,000 ang gin-release nga pondo sang siudad para sa napulo ka mga barangay nga magapasakop sa Masskara Festival street dance kag arena competition 2023.
Nalakip diri ang Barangay Tangub, Mansilingan, Granada, Handumanan, Cabug, Sum-ag, Vista Alegre, Brgy. 34, Brgy. 21, kag Brgy. 40.
Samtang, tig P300,000 ang subsidy nga ginhatag sa Barangay Singcang-Airport, Bata, Brgy. 5, 12, 14, 17,18,19, 25, kag Barangay 32.
Ang Bacolod Yuhum Foundation Incorporated magapalab-ot man sang P50,000 nga cash assistance sa mga kabarangayan nga magapasakop sa kompetisyon.
Samtang, gin anunsyo man sang Yuhum Foundation nga sold out na sa karon ang tanan nga mga kiosko sa mga festival sites kabahin na diri sa Bacolod City Government Center, Bacolod Public Plaza kag Lacson Tourism Strip.