Isa ka buhi nga lapsag ang ginbilin sa higad sang dalan sa Hacienda Bernabe, Barangay Salvacion sa banwa sang Murcia, Miyerkules sang gab-i.
Gikan sa Don Salvador Benedicto, samtang nagapangita sang damang ang tatlo ka mga kabataan, may nabatian sila nga hibi.
Ginsiling ni Police Capt. Honey Labaro, hepe sang Murcia PNP, ginpalapitan sang mga kabataan kun diin naghalin ang hibi kag nakita ang lapsag nga naga-angot pa ang pusod, naga-gwa ang likod, kag may putos nga tela ang ulo kag bahin sang lawas sini.
Ang lapsag gindala sa Rural Health Unit sa Murcia kag yara na sa kustodiya sang Department of Social Welfare and Development.
Madulom, wala sang suga kag wala man sang mga pamalay sa lugar kun diin ginbilin ang lapsag.
Pinakauna ini nga tion nga may ginbilin nga lapsag sa lugar.*
[sibwp_form id=1]