Bacolod Traffic Authority Office Head Patrick Lacson nagpahayag nga wala sang exemption sa pagpatuman sang truck ban. Ginatun-an naman karon nga maligwat ang pila ka mga pagsulundan
Sa oras nga wala na ginapatuman ang truck ban schedule sa Bacolod halin las otso sang aga asta las kwatro sang hapon, makita ang pagtinirin-tirin sang mga dalagko nga truck sa Circumferential road.
Halos wala naman ginapatuman ang 5-minute interval nga kabahin sang pagsulundan.
Suno sa BTAO head, ginatun-an na nila nga sa baylo sang 5-minute interval sa pagpahanugot sang pagsulod sang mga truck, ipatuman ang 200 meter interval agud indi magsundanay kag mag gutok ang mga dalanon ilabi na sa holiday rush.
Gindugang ni Lacson nga wala sang exemption sa truck ban bisan pa madamo sa mga hauler ang naga-ayo karon nga nagapadayon ang milling season.