Dugang nga mga traffic personnel ang italana sang Bacolod Traffic Authority Office sa pagbukas sang klase sa madasun semana.
Sa mga eskwelahan igatalana sang BTAO ang dugang nga mga traffic personnel sa pagbukas sang klase sa pampubliko nga eskwelahan sa madasun semana, Ginsiling ni BTAO Deputy chief Jose Antonio Robello nga tungod sang maulanon nga panahon maga-issue sila sang kapote kag boots agud mapasiguro nga mabuligan ang mga motorista ilabi na kun peak hours.
Pasalig niya nga bisan magbunok ang ulan may yara sang on-standby nga personnel nga magadumala sang traffic sa mga areas nga wala sang traffic lights kag kapin pa kun may brownout.
Ang BTAO ang natalana man nga magapatuman sang road clearing operation sa dalan Burgos malapit sa gina- construct nga diversion channel sa reclamation agud mapahagan-hagan ang pag- gutok sang traffic sa lugar.
Ini bangud sang ginapatuman nga one-way scheme kag ang pagpasira sang Fr. Ferrero street.