Punong Barangay sang Barangay 27 sa Bacolod City maga submit sang listahan sang mga persona nga ipa-rehab matapos ginreklamo mga wala sang compliance sa Barangay Anti-Drug Abuse campaign.
Indi luyag ni Anti-illegal drug program coordinator, retired police General Primitivo Tabujara nga ipasa pa sang mga nagapungko nga opisyales sang Barangay 27 ang responsibilidad sa kampanya angut sa Barangay Drug Clearing Program sa masunod nga lideres.
Gani nag-reklamo na siya sa Department of the Interior and Local Government angut sa kakulang sang kooperasyon sang barangay sa Anti-Illegal Drug Campaign.
Ginsiling man ni Tabujara nga isa ang Barangay 27 sa most affected barangay sa kampanya kontra iligal nga droga pero wala ini sang bisan endorsement sang mga drug users nga pwede ipaidalom sa rehabilitation program sang siudad.
Suno kay Punong Barangay Freeman Madalag, nakasugilanon na sila ni Tabujara kag nagpasalig siya nga mag-comply sa mga requirement para drug clearing program.
May napulo naman siya ka mga endorsement para sa drug rehabilitation.