Katapo sang BJMP nga nakasagaid motor ginreklamo nga namahog sa katapo sang City Legal Office Enforcement Team.
Naisulan sang L200 van nga ginamaneho sang BJMP personnel nga si Condrado Baliguas ang naka park nga motorsiklo ni Roberto Jalandoni sa Libertad Market sang Biyernes sang gab-i. Wala maghangpanay sanday Baliguas kag ang katapo sang City Legal Office enforcement team kag nag resulta sang pagpamahug ang ila paglinalisay.
Nagpa-blotter sa Police Station 6 si Jalandoni upod sa katapo sang enforcement team kag gin alegar nga nagkuha sang pusil ang BJMP personnel kag ginpahog sila nga pangratraton ukon paniruhon.
Si Baliguas ang na assign sa San Carlos City BJMP. Kaina nagpadulong siya kay City Legal Officer, Atty. Romeo Carlos Ting, Jr. agud magpaathag sang iya bahin sa natabo nga insidente. Ginahulat naman ni Ting ang desisyon ni Jalandoni kun magapasaka ini sang kaso batuk sa BJMP personnel.