Kanselado na ang tanan nga biyahe sang sakayan pandagat sa Bacolod kag Northern Negros matapos mapaidalom sa Tropical Cyclone Wind Signal No. 1 ang northern kag central Negros.
Pasado la una sang kaagahon, nagkansela sang operasyon ang mga scheduled trips sa mga pantalan sang San Carlos, Escalante, Sagay kag Cadiz, suno kay PCG Northern Negros Commander Artzel Anacan.
Suno pa kay Anacan, base sa las 5 sang aga nga weather bulletin, ginlakip naman sa tropical cyclone wind signal ang Bacolod kag EB Magalona, rason nga gindeklara ang total suspension sang biyahe.
Padayun karon ang pag-account sang Philippine Coast Guard Northern Negros kon pila ka pasahero kag mga rolling cargoes ang na-stranded bangud sang trip suspension.*