Para kay Vice Governor Jose Benito Alonso, nagakaigo lamang nga balansehon kag may kombinasyon sang GMO kag organic agriculture.
Madamo sang naga negosyo sang baboy kag manok sa probinsya suno sa iya. Wala tuod nagatugot ang probinsya sa GMO, pero suno kay Alonso ang gina pakaon sa sining mga gina sagod ang GMO man.
Kun organic ariculture lamang suno kay Alonso indi sarang maka sustain, kay wala labot nga diutay, mahal man.
Klaro niya indi siya pro GMO, pero suno sa iya dapat nga mangin realistic, labi na nga naga daku ang populasyon.
Martes sang aga ginpatuman ang public hearing para sa GMO regulatory ordinance nga pending karon sa Sangguniang Panlalawigan.
Pila ka mga grupo nga naga lakip sang simbahan, organic farmers, environmentalist groups kag civil society organization ang naga pamatuk sang lihok bangud suno sa ila ang GMO ang naga supak sang organic agriculture kag naga reduce sang biodiversity.
Gina disrupt man sini suno sa ila ang ecosystems kag naga duso sang pagsalig sa external inputs kag corporation.