Tres pesos nga saka sa bili sang kuryente kada kilowatt hour ipatuman sang Ceneco karon nga bulan sang Pebrero.
Onse pesos kag sinkwentay uno sentimos per kilo watt hour na ang mangin residential rate para sa billing sa Pebrero halin sa siete pesos kag sinkwentay nuebe sentimos per kilo watt hour sang nagligad nga binulan.
Suno sa tagdumalahan sang Central Negros Electric Cooperative ang tres punto kag nubentay uno sentimos per kilo watt hour nga dugang nga saka sa bili sang kuryente ang tuga sang increase sa generation, transmission and system loss charges kag pass through charges.
Sa dies pesos kag trentay dos sentimos per kilowatt hour nga pass through charges nalakip ang transmission kag generation charges, mga ERC-approved adjustment, government subsidies kag taxes.
Ginsiling man sang pamunuan sang Ceneco nga nagapakita nga ang piso kag dise otso sentimos per kilo watt hour nga ginasukot sang Ceneco para sa distribution, supply kag metering kag reinvestment fund for sustainable Capex ukon RFSC ang nagapabilin nga wala nagsaka humalin sang 2010.
Kun tan awon, may dies tubtob katorse porsyiento lang sa total bill amount sang kada kilowatt hour nga ginakunsomo sang mga kunsomidor ang nagakadto sa utility firm.