Gin-isol sa December 11 ang deadline para sa submission sang bids para sa bulk water project.
Suno kay Provincial Administrator Rayfrando Diaz nga amo man ang chaiperson para sa PPP Pre-qualification, Bids and Awards Committee para sa Negros Occidental Bulk Water Supply Project ginhinyo sang PPP Center nga idugon ini sa Disyembre 11, imbes nga sa sini nga Nobyembre.
Suno kay Diaz, yara na ang mga bidders pero para mahatagan man sang ligwa nga lubos maka preparar gin tugutan nila ini.
Damlag pa gin-idog man sa Nobyembre ang bidding sa hinyo sang bidder nga mahatagan man sila sang ligwa nga maka preparar.
Samtang, wala pa man tigayon nga nakakuha gikan sa Silay SP sang resolution of no objection para sa pag gamit sang Imbang River bangud nga ginapamatukan ang amo nga tikang, ang gobyerno probinsyal ang naga pasalig nga may yara sang water security plan nga nga lakip sang water resource management.
Suno kay Diaz ang assurance sa natungdan nga stakeholders amo nga indi mangin iresponsable ang pagkuha sang probinsya sang tubig sa amo nga suba.