Ocular inspection sa igatukod nga housing project ginpatigayon sang BHA kag WRS Holding Incorporated sa Purok Arao sa Barangay Vista Alegre sa Bacolod.
Gin-usisa na sang katapo sang WRS Holding Incorporated ang lugar nga patindugan sang Yuhum Village para sa housing units sa Purok Arao sa Barangay Alegre.
Suno kay Bacolod Housing Authority Head Victoria Parrenas, madasun man sila nga magapatigayon sang topographic survey sa Purok Arao pati na sa Reclamation Area kag Barangay Banago nga kabahin sa mga lugar nga napili sang siudad para sa Pabahay Program.
P12B ang pondo nga gintalana sang Department of Human Settlement and Urban Development para sa nauna nga 10,000 housing units pinaagi man sa tripartite agreement sa tunga sang local government, Sheirman consortium kag Pag-ibig.
Nagapadayon man ang socio economic survey sang BHA upod sa Task Force Pabahay para sa mga informal settler families.
Nagabaton man sang walk-ins ang BHA para sa mga applikante sang Pabahay Program sang siudad.