Digicast Negros

Beta variant sang Covid-19 nakalab-ot na sa Negros Oriental

Isa pa ka mas makalalaton nga variant sang Covid-19 nakit-an sa Negros Oriental.

Gin kumpirma kahapon ni Negros Oriental IATF commander, Dr Liland Estacion nga nakasulod naman karon sa Negros Oriental ang beta variant nga ginasiling mas makalalaton nga variant sang Covid-19.

Ang beta variant ang gikan sa South Africa.

Nakita ini suno kay Estacion sa returning overseas Filipino nga nag abot sa Dauin.

Nag ayo naman suno kay Estacion ang ini nga pasyente pero ila pa gina usisa kun sino ang mga contacts sang ROF nga posible nalatnan man sang sini nga variant.

Tatlo na ka variant ang yara karon sa probinsya matapos man madetect sang nag ligad nga bulan ang Alpha variant kag Theta variant.

242 ka kaso sang Covid-19 ang na record kahapon sang Negros Oriental. Pero padayon ang pag nubo sang active cases sa probinsya matapos mag record sang 412 pa ka new recoveries. Gikan sa masobra dos mil, 1,751 na lang karon ang active cases sa Negros Oriental.

Samtang, kahapon ang Negros Occidental ang nag record naman sang 207 ka bag-o nga kaso kag 155 naman ang sa Bacolod.

Sa datos sang DOH Region 6, balik sa masobra masobra dos mil ang active cases sa Negros Occidental. 2027 ang active cases sa probinsya samtang 1959 naman ang sa Bacolod.

Exit mobile version
Skip to toolbar