BENRO naga paandam batuk sa nagapakuno-kuno nga basurero pero naga pangayo sang kwarta

Ginpaandaman sang Bacolod Environment and Natural Resources Office ukon BENRO angang publiko batuk sa mga naga pakuno-kuno nga mga garbage collectors kag naga pangayo sang kwarta. Ini matapos may mga report sang indi otorisado nga solicitation sa siudad.

Suno kay BENRO Officer-in-Charge Atty. Allyn Luv Dignadice, wala sang may ginpahanugutan ang City Government sang Bacolod kag ang bag-o nga private garbage contractor nga bisan sin-o mannga mangolekta sang kwarta kabaylo sang garbage collection.

Ang paandam naghalin sa reklamo nga gin-file batuk sa grupo nga nagatawag sang ila kaugalingon nga “Garbage Collector Association Bacolod City,” nga gin alegar nga naga pangayo sang donasyon para sa isa ka miyembro nga naospital.

Ginpahayag ni Atty. Dignadice nga kinahanglan nga indi maghatag sang kwarta ang publiko sa bisan sin-o nga naga siling nga tiglawas sang garbage collection, bangud may posibilidad nga ini isa ka scam.*

[sibwp_form id=1]