Siudad sang Sipalay ang handa na para sa beach volleyball event nga pagatambungan sang nanari-sari nga volleyball team gikan sa Metro Manila, Singapore kag sa probinsya sang Negros Occidental.
Padayon ang pagpanghanda sang siudad para sa Beach Volleyball Event nga masugod bwas nga adlaw, Sabado tubtob sa Domingo.
Ang ini nga Volleyball event nga ginpatigayon sang Beach Volleyball Republic kag LGU sang Sipalay.
Magatambong ang nanari-sari nga volleyball team gikan sa probinsya sang Negros Occidental kasubong man ang volleyball team sang Luzon gikan sa DLSU, Ateneo kag may yara pa sang isa ka team gikan naman sa Singapore.
Ini ang kabahin sang programa sang siudad para matib-ong ang sports tourism sa lugar.
Ang ini nga kahiwatan ang dungan man sa Kapistahan ni San Juan gani ginalauman nga madamo sang mga turista ang maga padulong sa Sipalay agud mag paligo man sa baybay.
Ang beach volleyball, ang magaserbe man nga additional attraction.