Nagasugod na ang pagsinapol sang MassKara Festival 2025 organizers kag sang Bacolod City Police Office.
Suno sa kay BCPO director Police Col. Joeresty Coronica, masora sa 900 ka mga pulis ang ginpahamtang sa Bacoolod sa festival period sang nagligad nga tuig kag luyag nila nga mapadayon ang ini nga kadamuon sang pulis sa dalanon.
Ugaling isa sa mga hangkat nga gina atubang nila amo nga kun diin kuhaon ang dugang nga pwersa sang pulis.
Sang nagliligad abe nga mga festival, sa Iloilo naga halin ang dugang nga mga pulis.
Pero subong nga napaidalom na ang Negros sa Negros Island Region, diri lang sa isla sang Negros kag Siquijor magakuha sang dugang nga mga pulis.
Pero para kay Coronica masarangan ini sa gihapon kag mapangitaan sang solusyon.
Ila man nga iduso ang pagpatuman sang gun ban sa tiun sang festival nga maga sugod sa October 1 tubtob Oct 19.