Indi gikan sa Bacolod ang mga dalagko nga supply sang iligal nga droga nga narekober sang kapulisan sa mga anti-illegal drug operation halin sang nagliligad lang nga semana.
Ginpahayag ni BCPO Director Colonel Joeresty Coronica nga wala sang laboratoryo sang iligal nga droga sa siudad bangud kalabanan sa ila nakumpiskar nga supply ang halin sa Luzon.
Gindugang niya nga wala siya nagapati sa mga alegasyon sang ginakabig anay anti-drug czar nga si Major Jovie Espenido nga nagatudlo sa PNP bilang dako nga crime group.
Samtang ginmando ni Mayor Albee Benitez nga dapat mausisa sang matul-id sang kapulisan kun diin nagahalin ang nagasulod nga supply sang iligal nga droga agud madakpan ang mga responsable.
Tubtob karon padayon ang masupog nga anti-drug operation sang BCPO para matapna ang mga ginakabig remnants sang mga anay na-neutralize na nga drug group sa Bacolod kag Negros Occidental.