Sini nga adlaw, ginserbe na sang Bacolod City Legal Office ang sulat nga nga naga ‘demand to liquidate’ sa Barangay Villamonte agud mapaathag kun paano gingasto sang barangay ang 300,000 pesos nga subsidy sang siudad para sa Electric MassKara.
Sa amo nga sulat, ginsiling sang CLO nga ila hulaton ang liquidation sang barangay tubtob sa Nobyembre 12.
Nangin kontrobersyal ang float sang Barangay Villamonte matapos nga ginpapuli ini sang organizers kag wala na gintugutan pa nga mag upod sa float parade bangud sa hitsura sini.
Ginsiling ni City Legal Officer Karol Joseph Chiu, nga kun may yara gid man sang wala ginsunod ang barangay sa ila ginpasa nga program of works, posible nga mapasakaan sila sang kaso.
Sa budget proposal sang Villamonte, 80,000 pesos ang ila gin pain para sas design sang float lakip na ang pag butang sang lights. Apang sang nag abot ang float sa venue, wala pa man ini sang mga suga.
Ginklaro man ni Chiu nga indi delayed ang paghatag sang subsidy bangud dungan man ini nga gin panghatag sa tanan nga participating barangays sang Oktubre 13. Ginpatigayon ang kompetisyon Oktubre 16.
Magluwas sa Villamonte, wala naman sang may nakita nga rason sang CLO agud hatagan sang demand to liquidate letter ang iban nga mga barangay.
[sibwp_form id=1]