Imbes nga gastuhon para sa paghiwat sa engrande nga kapistahan sa Mayo 15 tubtob 17, ang Barangay Tangub sa Bacolod City ang nagaplano nga ihatag na lang ang ila pondo bilang dugang nga bulig sa mga drayber sa ila barangay.
Ginsiling ni Punong Barangay Noli Villarosa nga simplehon na lang anay sang barangay ang ila pag saulog sang kapistahan ni San Isidro Labrador.
Ini ang iya man nga sabat sa panawagan sang Sanguniang Panglungsod sang siudad nga likawan anay ang engrande nga mga kapistahan bangud sa ginapangatubang nga krisis sa karun.
Magahiwat lang ang barangay sang misa kag indi anay ini mag gasto para sa mga para sa liga kag iban pa nga mga aktibidad sa kapistahan.
Kun nagligad nga tuig nag-gasto ang barangay sang 2 million pesos para sa pista, sini nga tuig, ini ang igapa-in nalang nila para maghatag sang 5 tubtob 10 ka litro nga gatong sa mga drayber sa ila barangay.
Suno kay Vilarosa, sarang sang siudad nga mahatagan ang 200 tubtob 300 ka mga drayber sa Tangub bangud may budget man sila para diri. Dugang pa sini, nagahanda man sila nga maghatag sang foodpacks kag bugas para sa mga drayber.
Sa karun, ginaplanohan pa sang barangay kon paano nila mapatuman ang amo nga programa.
[sibwp_form id=1]