Mga barangay official ang gin deputize sang Commission on Elections bahin sa pag monitor sang compliance sang mga kandidato sa pagsulundan sa pagpangampanya.
Opisyal na nga maga sugod ang national campaign bwas nga adlaw kag may mga pagsulundan ang Comelec para sa pag patigayon sang in-person ukon house to house campaign, pag patigayon sang mga motorcade kasubong man public rally.
Suno kay Atty Roberto Salazar, ang acting Provincial Elections Supervisor, ang alert level status sang kada lugar nga kadtuan sang kandidato ang naga apekto sa mga restrictions sa kampanya.
Mismo sa Regional Comelec Campaign Committee maga apply sang permit ang mga kandidato kag ini ang iga forward sa Provincial Comelec Campaign Committee padulong sa City ukon Municipal Campaign Committee.
Paathag ni Salazar, kun may mga campaign materials naman nga wala nagasunod sa designated common poster areas ukon sa kadakuon nga ginatugutan, wala naman nagakasayuran nga gilayon kakason kundi may tikang nga ipatuman. Maga pabilin naman ang mga posters ukon tarpaulin sang mga local aspirants bangud wala pa man makasugod ang local campaign.