Arestado ang barangay kagawad sa Barangay Dancalan sa Ilog matapos ini makuhaan sang mga drug paraphernalia sa checkpoint operation kagab-i sa siyudad sang Kabankalan.
Suno sa PNP, samtang naga patigayon sila sang checkpoint sa dalan sa Barangay 1, gilayon nag untat ang motor kun sa diin naga angkas ang kagawad nga si Cyrell Castañares.
Ma u-turn pa kun tani sila sang iya upod ugaling naguba ang ila nga motor.
Sang ginpalapitan sang pulis may ginhaboy si Castañares kag sang gin tan-aw sang mga pulis, ini ang natukiban nga isa ka tooter kag plastic straw scoop nga lunsay may traces sang gina patihan shabu.
Arestado ang kagawad kag kaso nga pag lapas sa RA 9165 ang ipasaka batuk sa iya.